Ineqarneq nalinginnaasumik

Kalaallit Nunaanni inissiat amerlanerpaartaat pisortanit pigineqarput, inissianillu ineriartortitsineq politikkikkut aalajangiinernik tunngaveqarpoq. Inissiat amerlanerpaartaat attartortittagaapput.

Piginneqatigiilluni inissiaateqarnerup inissiamillu nammineq pigisaqarnerup annertusarnissaa politikkikkut anguniagaavoq, taamatut ineriartortitsinikkut inuit namminneq ileqqaaruteqarnissaannik siuarsaanerussaaq inuiaqatigiit aningaasarsiornerannut iluaqutaanissaa naatsorsuutigineqarpoq.

1990-mili nunaqarfinni illoqarfinnilu piginneqatigiilluni inissiat sanaartorneqarsinnaalerput.

Inissianik nammineq pigisallit peqatigiiffiliornissaat Naalakkersuisut kajumissaarutigaat. Piginneqatigiilluni inissiaatillit peqatigiiffii arlallit 2009-miit nammineq inissianik piginnittutut peqatigiiffinngortiterput.

Inissiat pisortanit pigineqartut ilarpassui iluamik aserfallatsaaliorneqarsimanngillat ukiunilu aggersuni iluarsaattariaqarlutik.

 

Nittartagaq takuneqarsinnaasoq:

Piginneqatigiilluni inissiateqarluni peqatiiggiit aamma inissianik nammineq pigisallit peqatigiiffii pillugit nittartakkami uani takukkit: www.nanoq.gl